കാററ് ഗട്ട് Catgut

കാററ് ഗട്ട് Catgut : ആടിന്‍റെ കുടല്‍ കൊണ്ടുണ്ടാക്കുന്ന നൂല്‍.  മുറിവുകള്‍ തയ്ക്കുന്നതിന് ഉപയോഗിക്കുന്നു.  എന്നാല്‍  വല്ലപ്പോഴും  കുതിര, കുരങ്ങന്‍, കന്നുകാലികള്‍ എന്നിവയുടെ കുടലും എടുക്കാറുണ്ട്.                                                            

കാറ്റ് ഗട്ട് Catgut

കരോട്ടിഡ് ബോഡി Carotid body

കരോട്ടിഡ് ബോഡി Carotid body :  കരോട്ടിഡ്  ധമനി ബാഹ്യ കരോട്ടിഡെന്നും ആന്തരിക കരോഡിന്നും രണ്ടായി പിരിയുന്ന സന്ധിയില്‍ സ്ഥിതി ചെയ്യുന്ന അണ്ഡാകൃതിയിലുളള ഒരു രാസ ഗ്രഹണാംഗം (chemoreceptors). രക്തത്തിലെ ഓക്സിജന്‍റെയും കാര്‍ബണ്‍ ഡയോക്സൈഡിന്‍റെയും അളവ് നിയന്ത്രിക്കുന്നതില്‍ ഇത് പ്രധാന പങ്കുവഹിക്കുന്നു.        

                                                                                

കാരിഫോസ്റ്റര്‍ ബ്രിഡ്ജ് Carey Foster bridge

കാരിഫോസ്റ്റര്‍ ബ്രിഡ്ജ് Carey Foster bridge : ഇലക്ട്രോണിക്സില്‍ വളരെക്കുറഞ്ഞ രോധങ്ങള്‍ അളക്കുവനോ താരതമ്യപ്പെടുത്തുവനോ ഉപയോഗിക്കുന്ന ബ്രിഡ്ജ് സര്‍ക്യുട്ടാണ് കാരിഫോസ്റ്റര്‍ ബ്രിഡ്ജ്. ഇത് വീറ്റ്സ്റ്റണ്‍   ബ്രിഡ്ജി Wheatstone's Bridge ന്‍റെ പരിഷ്കൃത രൂപമാണ്.  ഇത് കണ്ടുപിടിച്ചത്  കാരി ഫോസ്റ്റര്‍ ആണ്.                                                                  

കാരിഫോസ്റ്റര്‍ ബ്രിഡ്ജ് Carey Foster bridge

കാര്‍ബണ്‍ ഡയറ്റിങ് Carbon dating

കാര്‍ബണ്‍ ഡയറ്റിങ് Carbon dating : സസ്യങ്ങളിലും ജന്തുക്കളിലും ഒരു നിശ്ചിത അളവ് C¹⁴ അടങ്ങിയിരിക്കുന്നു. എന്നാല്‍ ജീവി അഥവാ സസ്യം "മരിക്കുന്ന" സമയം മുതല്‍ C¹⁴ ന്‍റെ അളവ് റേഡിയോ വിഘടനം കെണ്ട് ക്രമേണ കുറയുന്നു. സസ്യത്തിന്‍റെ അഥവാ ജീവിയുടെ അവശിഷ്ടത്തില്‍ ഉളള   C¹⁴ ന്‍റെ അളവ് തിട്ടപ്പെടുത്തി അത് മരിച്ചത് ഏതു കാലത്താണെന്ന് കണക്കാക്കം.  ഈ രീതിയാണ് കാര്‍ബണ്‍ ഡയറ്റിങ് Carbon dating ( കാര്‍ബണ്-കാലനിര്‍ണയം ). ഫോസിലുകളുടെയും ചില ഖനിജങ്ങളുടെയും കാലനിര്‍ണയം ഇത്തരത്തില്‍ തിട്ടപ്പെടുത്തുന്നു.                                                                                                                                           

കാന്‍ഡെല Candela

കാന്‍ഡെല Candela : പ്രകാശതീവ്രതയുടെ SI യൂണിറ്റാണ് കാന്‍ഡെല. 101325 പാസ്ക്കല്‍ മര്‍ദ്ദത്തില്‍ പ്ലാറ്റിനം ഉറയുന്ന താപനിലയിലുളള ബ്ലാക്ക്‌ ബോഡി (black body) യുടെ പ്രതലത്തിലെ 1/60  ചതുരശ്രസെന്‍റിമീറ്റര്‍ വിസ്തരത്തില്‍ നിന്ന് പ്രതലത്തിന് ലംബദിശയിലേക്കുളള പ്രകാശതീവ്രതയാണ് 1 കാന്‍ഡെല. മുന്പ് ഇതിന് കാന്‍ഡെല്‍ candle എന്ന് മാത്രമായിരുന്നു പേര്. ഇപ്പോള്‍ new candle എന്നും പറയുന്നു.  Cd ആണ് പ്രതീകം.                                                                                                        

കാംബ്രിയന്‍ Cambrian

കാംബ്രിയന്‍ Cambrian : പാലിയോസോയിക്  Paleozoic കാലഘട്ടത്തിലെ ഏറ്റവും പ്രാചീനമായ ജിയോളജീയ കാലഘട്ടം. ഏകദേശം 57 കോടി വര്‍ഷം മുന്പ് തുടങ്ങി 47 കോടി വര്‍ഷം മുന്പ് അവസാനിച്ചു. ഈ കാലഘട്ടത്തിലാണ് ഖനിജങ്ങളടങ്ങിയ പുറന്തോടുളള സമുദ്രജന്തുക്കളുടെ ഉത്ഭവം.  ഇവയില്‍ പ്രധാനപ്പെട്ടതാണ് ട്രൈലോബൈറ്റുകള്‍ Trilobites . ട്രൈലോബൈറ്റുകള്‍ കടലിന്‍റെ അടിത്തടിലാണ് ജീവിച്ചിരുന്നത്.                    

 ട്രൈലോബൈറ്റുകള്‍ Trilobites

                                                                                      

കഡൂസീയസ് Caduceus

കഡൂസീയസ് Caduceus : വൈദ്യവൃത്തിയുടെ ചിഹ്നമാണ് ഇത്. റോമന്‍ ദേവന്‍മാരുടെ മാന്ത്രികദണ്ഡ്. മെര്‍ക്കുറി എന്ന ദേവന്‍റെ കൈയില്‍ ഇത് എപ്പോഴും കാണുമത്രേ. ഒരു ദണ്ഡും അതിനെ ചുറ്റിയ രണ്ട് സര്‍പ്പങ്ങളുമാണ് ഇതിന്‍റെ പ്രത്യേകത

                                                        

കഡൂസീയസ് Caduceus    

ബ്രോങ്കോസ്കോപ്പ് Bronchoscope

ബ്രോങ്കോസ്കോപ്പ് Bronchoscope : ശ്വാസനാളത്തിന്‍റെ അകഭാഗം നിരിക്ഷിക്കുന്നതിനുളള ഉപകരണം .                          

ബ്രോങ്കോസ്കോപ്പ് Bronchoscope
     

ബോളോമീറ്റര്‍ Bolometer

ബോളോമീറ്റര്‍ Bolometer : ചില  പ്രത്യേക തരംഗദൈര്‍ഘ്യമേഖലകളിലുളള വിദ്യുത്കാന്തിക വികിരണങ്ങളുടെ ഊര്‍ജം അളക്കാനുളള ഉപകരണം. വികിരണം കൊണ്ടുണ്ടാകുന്ന ചൂടുകൊണ്ട് കനം കുറഞ്ഞ ഒരു ചാലകത്തിന്‍റെ രോധത്തില്‍ വരുന്ന മാറ്റത്തെ ആധാരമാക്കിയാണ് ഇത് പ്രവര്‍ത്തിക്കുന്നത്. താപനിദര്‍ശകം  (Thermal Detector ) എന്നും ഇതിന് പേരുണ്ട്.         

ബോളോ മീറ്റര്‍ 

                                                                                      

പൊട്ടാല കൊട്ടാരം Potala Palace

പൊട്ടാല കൊട്ടാരം Potala Palace:   ടിബറ്റന്‍ ആത്മീയ നേതാവായ ദലൈലാമയുടെ ഔദ്യോഗിക വസതിയായിരുന്നു പൊട്ടാല കൊട്ടാരം. ലോകത്തില്‍ ഏറ്റവും ഉയരത്തില്‍ സ്ഥിതിചെയ്യുന്ന മേഖലയാണ് ടിബറ്റ്. സമുദ്രനിരപ്പില്‍ നിന്ന് 16000 അടി ( 4900 മീറ്റര്‍ ) ഉയരത്തിലാണ് ടിബറ്റ് സ്ഥിതിചെയ്യുന്നത്. ടിബറ്റന്‍ ആത്മീയ നേതാവിന്‍റെ                     മതപരവും ഭരണപരവുമായ ഒരു  കേന്ദ്രമായിരുന്നു ഇത്. ലാസാ നദി താഴ്വരയില്‍ നിന്ന് 425 അടി ഉയരത്തിലുളള കുന്നിന്‍റെ മുകളിലാണ് കൊട്ടാരം സ്ഥിതി ചെയ്യുന്നത്.13 ചതുരശ്ര കിലോമിറ്റര്‍ പ്രദേശത്ത് ഇത് വ്യാപിച്ചുകിടക്കുന്നു. 1994 - ല്‍  യുനെസ്കോയുടെ ലോകപൈതൃക പട്ടികയില്‍ ഇതിന് സ്ഥാനം ലഭിച്ചു.   ടിബറ്റിന്‍റെ തലസ്ഥാനമാണ് ലാസ. 1642- ലാണ് ലാസ ടിബറ്റിന്‍റെ തലസ്ഥാനമായത്. എ.ഡി ഒന്പതാം നൂറ്റണ്ട് മുതല്‍ ലാസ, മതത്തിന്‍റെയും  ആത്മീയതയുടെ കേന്ദ്രമാണ്. 1951 - ല്‍ ചൈന ലാസയില്‍ അധിനിവേശം നടത്തി. ചൈനയക്ക് കീഴില്‍ സ്വയം ഭരണ മേഖലയായപ്പോഴും ലാസ തലസ്ഥാന നഗരിയായി തുടര്‍ന്നു. ലാസയ്ക്ക് ഒരു വിശേഷണമുണ്ട് വിലക്കപ്പെട്ട നഗരം ( Forbidden City ).                                                                                                                                                                                  

പൊട്ടാല കൊട്ടാരം Potala Palace

ഓഫിയോളജി Ophiology

ഓഫിയോളജി Ophiology : പാന്പുകളെക്കുറിച്ചുളള പഠനമാണ് ഓഫിയോളജി Ophiology. പാന്പുകള്‍ക്ക് കണ്‍പോളകളില്ല. പാന്പുകള്‍ക്കാണ് ഏറ്റവും കൂടുതല്‍ വാരിയെല്ലുകള്‍ ഉളളത്. ജൂലൈ 16 ലോക പാന്പ് ദിനമായി ആചരിക്കുന്നു. പന്പുകള്‍ക്ക് ബാഹ്യകര്‍ണങ്ങളില്ല. കുടുകുട്ടി മുട്ടയിടുന്ന ഏക പാന്പാണ് രാജവെന്പാല King Cobra .  രാജവെന്പാലയുടെ ഭക്ഷണം പാന്പുകളാണ്. ഏറ്റവും നീളമുളള വിഷപ്പാന്പാണ് രാജവെന്പാല. പാന്പുവര്‍ഗത്തിലെ രാജാവാണ് രാജവെന്പാല.  പാന്പുകള്‍ ഭക്ഷണം വിഴുങ്ങുകയാണ് പതിവ്.            സ്വന്തം തലയേക്കാള്‍ വലിയ ഇരയേയും പന്പുകള്‍ ഭക്ഷിക്കാറുണ്ട്. രാജവെന്പാല, മുര്‍ഖന്‍, അണലി, ശംഖുവരയന്‍, കടല്‍പ്പാന്പുകള്‍ എന്നിവയാണ് കേരളത്തില്‍ കണ്ടുവരുന്ന വിഷപ്പാന്പുകള്‍. ഇവയില്‍ രാജവെന്പാല, കടല്‍പ്പാന്പ് എന്നിവ നാട്ടില്‍ കാണപ്പെടാറില്ല. പന്പുകള്‍ നാക്കു നീട്ടുന്പോള്‍ ഗന്ധം പിടിച്ചെടുത്ത് പരിസരം മനസ്സിലാക്കാന്‍ അവയെ സഹായിക്കുന്നത്‌ മേലണ്ണാക്കിലുളള 'ജേക്കബ് സണ്‍സ് ഓര്‍ഗന്‍സ്'  ( vomeronasal organ (VNO), or Jacobson's organ ) എന്ന സംവിധാനമാണ്.                                                                                                                                                                

രാജവെന്പാല

ബ്ളൂ ബേബി സിന്‍ഡ്രോം Blue Baby Syndrome

ബ്ളൂ ബേബി സിന്‍ഡ്രോം Blue Baby Syndrome : നീലനിറമുളള ശിശു. ജനിക്കുന്പോള്‍ തന്നെ ഹൃദയത്തിനുളള തകരറുകള്‍മൂലം കുട്ടിയുടെ ചുണ്ടിനും നഖത്തിനും മറ്റും നീലനിറം കാണുന്നു. രക്തത്തില്‍ ഓക്സിജന്‍ കലരുന്ന പ്രക്രിയയ്ക്ക് തടസ്സമുണ്ടാകുന്നതാണ് നീലനിറത്തിനു കാരണം.   

                                                                         

ബ്ളാസ്റ്റുല Blastula

ബ്ളാസ്റ്റുല Blastula : ജന്തുക്കളുടെ ഭ്രുണവളര്‍ച്ചയിലെ ഒരു ഘട്ടം. ബീജസങ്കലനത്തെത്തുടര്‍ന്ന് 2, 4, 8, 16 എന്നിങ്ങനെ പിളര്‍ന്ന് പെരുകുന്ന ഭ്രുണകോശങ്ങളുടെ സംഖ്യ 64 എത്തുന്പോഴേക്കും അവ, ദരവും ബാഹ്യമായി ഒരു നിര കോശങ്ങളുമുളള ഒരു പന്തു പോലെ ക്രമീകരിക്കപ്പെടുന്നു. ഭ്രുണവളര്‍ച്ചയിലെ ഈ ഘട്ടമാണ് ബ്ളാസ്റ്റുല.

                                                                                  

Blastulation: 1 - morula, 2 - blastula.
Days	4
Precursor	Morula
Gives rise to	Gastrula

ബ്ളാഡര്‍ വിര Bladder Worm

ബ്ളാഡര്‍ വിര Bladder Worm : മനുഷ്യന്‍റെ ചെറുകുടലില്‍ പരജിവിയായിക്കഴിയുന്ന നാടവിരയുടെ ശൈശ വാവസ്ഥ.                                     

ക്രുബെരാ (വൊറോണിയ) ഗുഹ Krubera Cave

ക്രുബെരാ (വൊറോണിയ) ഗുഹ Krubera Cave :  ലോകത്തിലെ ഏറ്റവും ആഴം കൂടിയ ഗുഹയാണ്  ക്രുബെരാ (വൊറോണിയ) .  വൊറോണിയ ഗുഹ എന്നും ഇതിന് പേരുണ്ട്.   ജോര്‍ജിയയില്‍ പടിഞ്ഞാറന്‍ കാക്കസ് പര്‍വതത്തിന്‍റെ താഴ്വരയിലാണ് ഇത് സ്ഥിതി ചെയ്യുന്നത്. ഇതിന്  2191 മീറ്റര്‍  ആഴമുണ്ട്. രണ്ടായിരം അടിയിലധികം ആഴമുളള ഭൂമിയിലെ ഏക ഗുഹയാണിത്. 1960 - ലാണ് ഈ ഗുഹ കണ്ടുപിടിച്ചത്. ഇതിന്  ഒരു പ്രവേശനമാര്‍ഗം മാത്രമാണ് ഉളളത്. കരയിലും വെളളത്തിലും ജീവിക്കുന്ന പലതരത്തിലുളള ജീവജാലങ്ങളുടെ താവളമാണ് ഈ ഗുഹ. ഗുഹയ്ക്കകത്ത് ചൂടും തണുപ്പും മാറ്റമില്ലാത്തതിനാല്‍ ഗുഹയില്‍ താമസിക്കുന്ന ജീവികളുടെ ആയുര്‍ദൈര്‍ഘ്യം കൂടുതലാണ്. എന്നാല്‍ പ്രത്യുത്പാദനനിരക്ക് കുറവാണ്.  നിറമില്ലാത്തതും കാഴ്ചശക്തിയില്ലാത്തതുമാണ് മിക്ക ജീവികളും. എന്നാല്‍ മണമറിയാനുളള കഴിവും സ്പര്‍ശനശേഷിയും വളരെ കൂടുതലാണ്. ചലനസ്വാതന്ത്ര്യം കുറവാണെങ്കിലും ഭൂമിയിലുണ്ടാകുന്ന ചെറിയ അനക്കം പോലും ഇവയ്ക്ക് തിരിച്ചറിയാന്‍ കഴിയും.

കടപ്പാട് : മാതൃഭൂമി 

     
                                                                                                                                                                                                                                               

ബര്‍ക്കീലിയം Berkelium

ബര്‍ക്കീലിയം Berkelium : ബര്‍ക്കീലിയം ഒരു കൃത്രിമ മൂലകമാണ്.  അണുസംഖ്യ( Atomic number) 97 ആണ്.  ബര്‍ക് ലി നഗരത്തിലുളള കാലിഫോര്‍ണിയാ സര്‍വകലാശാലയിലെ സീബോര്‍ഗും ( Glenn T. Seaborg, Albert Ghiorso and Stanley G. Thompson) സഹപ്രവര്‍ത്തകരും ചേര്‍ന്ന  1949 ഡിസംബറില്‍ ആദ്യമായി ഉല്പാദിപ്പിച്ചു. പുതിയ ഉല്‍പന്നത്തിന് നഗരത്തിന്‍റെ പേര് ചേര്‍ത്ത് ബര്‍ക്കീലിയം എന്ന് പേരിട്ടു.  ഇതിന്‍റെ പ്രതീകം Bk എന്നാണ്.   

                                                                               
                                               ബര്‍ക്കീലിയം ലോഹം  

ബന്‍സോയിക് ആസിഡ് Benzoic Acid

ബന്‍സോയിക് ആസിഡ് Benzoic Acid : അരോമാറ്റിക് ആസിഡുകളില്‍ ഏറ്റവും ലളിതം. ഭക് ഷ്യവസ്തുകള്‍ കേടുകൂടാതെ സൂക്ഷിക്കാന്‍ ഉപയോഗിക്കുന്നു. ധാന്യാപ്പെടിയും  അച്ചാറും ജാമും കേടാകാതെ സൂക്ഷിക്കാന്‍ ബന്‍സോയിക് ആസിഡ് ചേര്‍ക്കാറുണ്ട്.    ചേര്‍താല്‍  ഭക് ഷ്യവസ്തുകള്‍ ആറുമാസം മുതല്‍ ഒരു വര്‍ഷം വരെ കേടുകൂടാതിരിക്കും. മൈദയും  അരിപ്പെടിയും ആട്ടയും   അച്ചാറും ജാമും കേടുകൂടാതെ സൂക്ഷിക്കാന്‍ ബന്‍സോയിക് ആസിഡ് ഉപയോഗിക്കുന്നു. ഒരു കിലോഗ്രാമില്‍ ഒരു മില്ലിഗ്രാം  ബന്‍സോയിക് ആസിഡ് ആണ് സാധാരണ ചേര്‍ക്കാറുളളത്.  ഇതിന്‍റെ നിറം വെളുപ്പാണ്. ഉരുകല്‍നില 122⁰C.                                                                                                                                         രാസനാമം C₆H₅COOH    

ബന്‍സോയിക് ആസിഡിന്‍റെ  ക്രിസ്റ്റലുകള്‍     

വിററാമിന്‍ B1(Thiamin)

 വിററാമിന്‍ B₁(Thiamin):  വിററാമിന്‍ B₁ ന്‍റെ രാസനാമം തയമിന്‍ (Thiamin) എന്നാണ്. വിററാമിന്‍ B₁ ന്‍റെ കുറവുകൊണ്ടുക്കുന്ന രോഗമാണ് ബെറിബെറി Beriberi .   വിററാമിന്‍ B₁ ണ്‍ ശരീരത്തിന്‍റെ വളര്‍ച്ചയ്ക്കും ഹൃദയത്തിന്‍റെ പ്രവര്‍ത്തനത്തിനും ധാന്യകത്തിന്‍റെ ഉപാപചയത്തിനും ആവശ്യമാണ്.  വിററാമിന്‍ B₁ ണിന്‍റെ കുറവ് നാഡിവവ്യൂഹത്തെയും രക്തചംക്രമണത്തെയും ബാധിക്കുന്നു. കുടാതെ അവയവങ്ങള്‍ സ്തംഭിക്കുവാനും കാരണമാകാറുണ്ട്.    വിററാമിന്‍ B₁ ണ്‍  പാലിലും മത്സ്യത്തിലും ഇറച്ചിയിലും  ഭക് ഷ്യധാന്യാങ്ങളിലും       ധാരാളമായി അടങ്ങിയിട്ടുണ്ട്.    

      
             

ബെറിബെറി Beriberi

ബെറിബെറി Beriberi : വിററാമിന്‍ B₁ ന്‍റെ കുറവുകൊണ്ടുക്കുന്ന ഒരു രോഗം.  വിററാമിന്‍ B₁ ന്‍റെ രാസനാമം തയമിന്‍ (Thiamin) എന്നാണ്. വിററാമിന്‍ B₁ ണ്‍ ശരീരത്തിന്‍റെ വളര്‍ച്ചയ്ക്കും ഹൃദയത്തിന്‍റെ പ്രവര്‍ത്തനത്തിനും ധാന്യകത്തിന്‍റെ ഉപാപചയത്തിനും ആവശ്യമാണ്.  വിററാമിന്‍ B₁ ണിന്‍റെ കുറവ് നാഡിവവ്യൂഹത്തെയും രക്തചംക്രമണത്തെയും ബാധിക്കുന്നു. കുടാതെ അവയവങ്ങള്‍ സ്തംഭിക്കുവാനും കാരണമാകാറുണ്ട്.                                                                                                  

മാമത്ത് ഗുഹ Mammoth Cave National Park

മാമത്ത് ഗുഹ Mammoth Cave National Park :   ലോകത്തിലെ ഏറ്റവും നീളം കുടിയ ഗുഹയാണ് മാമത്ത് ഗുഹ. ഇത് അമേരിക്കയിലെ കെന്‍റക്കി സംസ്ഥാനത്താണ്. ഇതിന് 591 കിലോമിറ്റര്‍ നീളമുണ്ട്. 52835 എക്കറില്‍ വ്യാപിച്ചുകിടക്കുന്ന നാഷണല്‍ പാര്‍ക്കിന്‍റെ ഭാഗമാണിത്. ലോകത്തിലെ വലിയ പതിനാല് ഗുഹകള്‍ ഇവിടെയാണ്. 379 അടി ആഴമുളള ഗുഹയ്ക്ക് വിവിധ തട്ടുകളിലായി അഞ്ച് പ്രവേശന കവാടങ്ങളുണ്ട്. 1941 -ല്‍  ഇതിനെ നാഷണല്‍ പാര്‍ക്കായി പ്രഖ്യാപിച്ചു. 1981 - ല്‍ യുനെസ്കോയുടെ ലോകപൈതൃക പട്ടികയില്‍ ഇതിന് സ്ഥാനം ലഭിച്ചു. ഗുഹാമത്സ്യങ്ങളുടെയും ചീവീടുകളുടെയും വിവിധ ഇനം വവ്വാലുകളുടെയും താവളമാണ് മാമത്ത് ഗുഹ. വംശനാശഭീഷണി നേരിടുന്ന ഒട്ടനവധി സസ്യങ്ങളും ജന്തുക്കളും ഇവിടെ കാണപ്പെടുന്നു.  ഗുഹയ്ക്കകത്ത് ചൂടും തണുപ്പും മാറ്റമില്ലാത്തതിനാല്‍ ഗുഹയില്‍ താമസിക്കുന്ന ജീവികളുടെ ആയുര്‍ദൈര്‍ഘ്യം കൂടുതലാണ്. എന്നാല്‍ പ്രത്യുത്പാദനനിരക്ക് കുറവാണ്.  നിറമില്ലാത്തതും കാഴ്ചശക്തിയില്ലാത്തതുമാണ് മിക്ക ജീവികളും. എന്നാല്‍ മണമറിയാനുളള കഴിവും സ്പര്‍ശനശേഷിയും വളരെ കൂടുതലാണ്. ചലനസ്വാതന്ത്ര്യം കുറവാണെങ്കിലും ഭൂമിയിലുണ്ടാകുന്ന ചെറിയ അനക്കം പോലും ഇവയ്ക്ക് തിരിച്ചറിയാന്‍ കഴിയും.

കടപ്പാട് : മാതൃഭൂമി 

മാമത്ത് ഗുഹ

                                                                                

                                                                      മാമത്ത് ഗുഹയിലുളള ബോട്ട് സവാരി

                                             

എഡ്വെര്‍ഡ് ആല്‍ഫ്രഡ് മാര്‍ട്ടല്‍ Eduoard Alfred Martel

എഡ്വെര്‍ഡ് ആല്‍ഫ്രഡ് മാര്‍ട്ടല്‍ Edouard Alfred Martel :    ഗുഹാപഠനത്തിന്‍റെ പിതാവ് എഡ്വെര്‍ഡ് ആല്‍ഫ്രഡ് മാര്‍ട്ടല്‍ ആണ്.    ഗുഹാപഠനം ഒരു പ്രത്യേക വിഷയമായി അവതരിപ്പിച്ചത് എഡ്വെര്‍ഡ് ആല്‍ഫ്രഡ് മാര്‍ട്ടല്‍ ആണ്.  തന്‍റെ ജന്മനാടായ ഫ്രാന്‍സിലും മറ്റ് നിരവധി രാജ്യങ്ങളിലുമായി ആയിരക്കണക്കിന് ഗുഹകളെക്കുറിച്ച് എഡ്വെര്‍ഡ് ആല്‍ഫ്രഡ് മാര്‍ട്ടല്‍  പഠനം നടത്തിയിട്ടുണ്ട്. ഗുഹയെ സംബന്ധിക്കുന്ന നിരവധി വസ്തുക്കളുടെ വലിയ ശേഖരം തന്നെയുളള എഡ്വെര്‍ഡ് ആല്‍ഫ്രഡ് മാര്‍ട്ടല്‍ ധാരാളം ലേഖനങ്ങളും പുസ്തങ്ങളും പ്രസിദ്ധികരിച്ചിട്ടുണ്ട്. ഫ്രാന്‍സിലെ ഗുഹയ്ക്കടിയിലെ പുഴ , അയര്‍ലന്‍ഡിലെ മാര്‍ബിള്‍ ആര്‍ച്ച് ഗുഹ എന്നിവയെക്കുറിച്ചുളള പഠനവും അതുപോലെ  മാമത്തിയന്‍ ഗുഹയില്‍ നടത്തിയ പരീക്ഷണങ്ങളും വളരെ പ്രധാനപ്പെട്ടതാണ്. ഗുഹാപഠനം  സ്പീലിയോളജി Speleologyഎന്നാണ് അറിയപ്പെടുന്നത്.

കടപ്പാട് : മാതൃഭൂമി 

സ്പീലിയോളജി Speleology

സ്പീലിയോളജി Speleology :  ഗുഹാപഠനം  സ്പീലിയോളജി എന്നാണ് അറിയപ്പെടുന്നത്.   എഡ്വെര്‍ഡ് ആല്‍ഫ്രഡ് മാര്‍ട്ടല്‍ Édouard Alfred Martel ആണ്  ഗുഹാപഠനത്തിന്‍റെ പിതാവ്.  ഗുഹാപഠനം ഒരു പ്രത്യേക വിഷയമായി അവതരിപ്പിച്ചത് എഡ്വെര്‍ഡ് ആല്‍ഫ്രഡ് മാര്‍ട്ടല്‍ ആണ്.  തന്‍റെ ജന്മനാടായ ഫ്രാന്‍സിലും മറ്റ് നിരവധി രാജ്യങ്ങളിലുമായി ആയിരക്കണക്കിന് ഗുഹകളെക്കുറിച്ച് എഡ്വെര്‍ഡ് ആല്‍ഫ്രഡ് മാര്‍ട്ടല്‍  പഠനം നടത്തിയിട്ടുണ്ട്. ഗുഹയെ സംബന്ധിക്കുന്ന നിരവധി വസ്തുക്കളുടെ വലിയ ശേഖരം തന്നെയുളള എഡ്വെര്‍ഡ് ആല്‍ഫ്രഡ് മാര്‍ട്ടല്‍ ധാരാളം ലേഖനങ്ങളും പുസ്തങ്ങളും പ്രസിദ്ധികരിച്ചിട്ടുണ്ട്. ഫ്രാന്‍സിലെ ഗുഹയ്ക്കടിയിലെ പുഴ , അയര്‍ലന്‍ഡിലെ മാര്‍ബിള്‍ ആര്‍ച്ച് ഗുഹ എന്നിവയെക്കുറിച്ചുളള പഠനവും അതുപോലെ  മാമത്തിയന്‍ ഗുഹയില്‍ നടത്തിയ പരീക്ഷണങ്ങളും വളരെ പ്രധാനപ്പെട്ടതാണ്.                                                                                                                                                                                    

ബെല്‍ മെറ്റല്‍ Bell Metal

ബെല്‍ മെറ്റല്‍ Bell Metal : മണി വാര്‍ക്കുന്നതിന് ഉപയോഗിക്കുന്ന പ്രത്യേകതരം വെളേളാട്. 60 മുതല്‍ 85 വരെ ശതമാനം ചെന്പും ( Copper )      ബാക്കി വെളുത്തീയവും ( tin )     ചേര്‍ന്ന സങ്കരമാണിത്. കറുത്തീയവും സിങ്കും ചേര്‍ക്കാറുണ്ട്.                                                                                   

ബെക്വെറല്‍ പ്രഭാവം Becquerel Effect

ബെക്വെറല്‍ പ്രഭാവം Becquerel Effect : ഒരു ലായനിയില്‍ മുക്കിയിട്ടിരിക്കുന്ന രണ്ട് ഇലക്ട്രോഡുകളിന്‍ മേല്‍ വ്യത്യസ്ത അളവില്‍ പ്രകാശം വീഴുന്പോള്‍ അവയ്ക്കിടയില്‍ വൈദ്യുതധാര പ്രവഹിക്കുന്നത്. ചിലയിനം ഇലക്ട്രോഡുകള്‍ മാത്രമേ ഇത് പ്രകടിപ്പിക്കാറുളളു.                                                                    

ബെക്വെറല്‍ Becquerel

ബെക്വെറല്‍ Becquerel : റേഡിയോ ആക്ടീവതയുടെ SI യൂണിറ്റ്. Bq ആണ് പ്രതീകം. ഓരോ സെക്കന്‍ഡിലും ഓരോ സ്വതസംക്രമണം നടക്കുന്ന അണുകേന്ദ്രത്തിന്‍റെ റേഡിയോ ആക്ടീവതയ്ക്കു തുല്യമാണിത്.                                            

ബ്യൂഫോര്‍ട്ട് വിന്‍ഡ് സ്കെയ്ല്‍ Beaufort Wind Scale

ബ്യൂഫോര്‍ട്ട് വിന്‍ഡ് സ്കെയ്ല്‍ Beaufort Wind Scale : കാറ്റിന്‍റെ വേഗം സുചിപ്പിക്കുന്ന ഒരു സ്കെയ്ല്‍ . ശാന്തമായ അന്തരീക്ഷസ്ഥിതിയെ പൂജ്യം കൊണ്ടും കൊടുങ്കാറ്റിനെ 12 കൊണ്ടും സൂചിപ്പിക്കുന്നു. പത്തൊന്പതാം ശതകത്തില്‍ ഫ്രാന്‍സിസ് ബ്യൂഫോര്‍ട്ട് Francis Beaufort ആണ് ഈ സ്കെയ്ല്‍ കണ്ടുപിടിച്ചത്.                                                              

ഫ്രാന്‍സിസ് ബ്യൂഫോര്‍ട്ട് 

ബാഥിസ്കേഫ് Bathyscaphe സമുദ്രനിമഗ്ന വാഹനം

ബാഥിസ്കേഫ് Bathyscaphe : സമുദ്രനിമഗ്ന വാഹനം. അഗസ്റ്റെ പിക്കാഡ് Auguste Piccard എന്ന സ്വിസ് ശാസ്ത്രജ്‌ഞന്‍ സമുദ്രത്തിന്‍റെ അടിത്തടില്‍ പര്യവേക്ഷണം നടത്തുന്നതിനുവേണ്ടി ഇത് ആദ്യമായി ഡിസൈന്‍ ചെയ്തു. ബാഥിസ്കേഫ് ഉപയോഗിച്ച് 1960 - ല്‍ ശാന്തസമുദ്രത്തിന്‍റെ അടിത്തടിലെ 10916 മീറ്റര്‍ ആഴമുളള മാരിയാന കിടങ്ങിനുളളില്‍ ആദ്യമായി പര്യവേക്ഷണം നടത്തി.

                                                                                               

ബാഥിസ്ഫിയര്‍ Bathysphere

ബാഥിസ്ഫിയര്‍ Bathysphere : സമുദ്രത്തിന്‍റെ അടിത്തട്ടില്‍ പര്യവേക്ഷണം നടത്തുന്നതിനുളള ഗോളപേടകം. സമുദ്ര നിമഗ്ന ഗോളം. രണ്ടുപേര്‍ക്ക് പരീക്ഷണ ഉപകരണങ്ങള്‍ സഹിതം ഇതിനുളളില്‍ പ്രവര്‍ത്തിക്കുന്നതിന് സൗകര്യമുണ്ട്. വില്യം ബീബ് William Beebe ആണ് ആദ്യമായി ഡിസൈന്‍ ചെയ്തത്.                                                                                             

ബാര്‍ണെറ്റ് പ്രഭാവം Barnett Effect

ബാര്‍ണെറ്റ് പ്രഭാവം Barnett Effect :  കാന്തതയില്ലാത്ത ഒരു ഇരുന്പുദണ്ഡിനെ അതിന്‍റെ അക്ഷത്തെ ആധാരമാക്കി അതിവേഗം കറക്കിയാല്‍ അത് ചെറുതായി കാന്തവല്‍ക്കരിക്കപ്പെടുന്ന പ്രതിഭാസം.  അമേരിക്കന്‍ ഭൗതികശാസ്‌ത്രഞ്‌ജനായ സാമുവല്‍ ബാര്‍ണെറ്റ് (Samuel Barnett) 1915 ലാണ് ഈപ്രതിഭാസം കണ്ടുപിടിച്ചത്.             

ബാര്‍ബെല്‍ Barbel (Fish)

ബാര്‍ബെല്‍ Barbel (Fish) : താടിയില്‍ നീണ്ട നാരുപോലുളള സ്പര്‍ശിനികളുളള ഒരുതരം മത്സ്യം. ശുദ്ധജലത്തില്‍ മാത്രം കാണപ്പെടുന്നു.

                                        

ബാബോ നിയമം Babo's Law

ബാബോ നിയമം Babo's Law : ഒരു പദാര്‍ഥം ഒരു ദ്രാവകത്തില്‍ ലയിക്കുന്പോള്‍  ദ്രാവകത്തിന്‍റെ ബാഷ്പമര്‍ദ്ദം കുറയുന്നു. എത്ര കുറയുന്നു എന്നത് ലയിച്ച പദാര്‍ഥത്തിന്‍റെ അളവിന് ആനുപാതികമാണ്. ജര്‍മ്മന്‍ക്കാരനായ വോണ്‍ ബാബോ ആണ് ഈ നിയമം കണ്ടുപിടിച്ചത്.                                                                                        

ബാബിറ്റ് ലോഹം Babbitt Metal

ബാബിറ്റ് ലോഹം Babbitt Metal : ബെയറിങ്ങുകള്‍ ഉണ്ടാക്കുവാന്‍ ഉപയോഗിക്കുന്ന ഒരിനം ലോഹസങ്കരം. പ്രധാനഘടകം വെളുത്തീയമാണ്. ആന്‍റിമണിയും ചെന്പും കറുത്തീയവും കുറഞ്ഞ അളവില്‍ ചേര്‍ത്തിരിക്കും. അമേരിക്കക്കാരനായ ഐസക് ബാബിറ്റ് ആണ് ഇതിന്‍റെ മൂലസങ്കരം കണ്ടുപിടിച്ചത്.                                                                                     

ബബൂണ്‍ Baboon

ബബൂണ്‍ Baboon : നായുടേതുപോലുളള മോന്തയും പല്ലുകളുമുളള ഒരു ആഫ്രിക്കന്‍ കുരങ്ങ്. സമൂഹജീവിയാണ്.            

                     

അവൊഗാഡ്രോ നിയമം Avogadro's Law

അവൊഗാഡ്രോ നിയമം Avogadro's Law : ഒരേ മര്‍ദ്ദത്തിലും താപനിലയിലും ഉളള തുല്യവ്യാപ്തം വാതകങ്ങളിലെല്ലാമുളള തന്‍മാത്രകളുടെ എണ്ണം തുല്യമാണ്. ഇതാണ് അവൊഗാഡ്രോ നിയമം. ഇറ്റാലിയന്‍ ഭൗതികശാസ്‌ത്രഞ്‌ജനായ അമേദിയോ അവൊഗാഡ്രോ 181 1 ലാണ് അവൊഗാഡ്രോ നിയമം ആവിഷ്ക്കരിച്ച ത്.                                                               

ആക്സില്‍ Axle

ആക്സില്‍ Axle : വാഹനങ്ങളുടെ ചക്രങ്ങളെ ബന്ധിപ്പിച്ച് താങ്ങിനിര്‍ത്തുന്ന ദണ്ഡ്. വാഹനത്തിന്‍റെ മൊത്തം ഭാരം ഈ ദണ്ഡുകളിലൂടെയാണ് ചക്രങ്ങള്‍ വഴി ഭുമിയിലേക്ക് വിതരണം ചെയ്യപ്പെടുന്നത്.                                                               

ഓക്സിനുകള്‍ Auxins

ഓക്സിനുകള്‍ Auxins :  ഇത് സസ്യ ഹോര്‍മോണ്‍ ആണ്. സസ്യങ്ങളില്‍ വളര്‍ച്ച നിയന്ത്രിക്കുന്ന സുപ്രധാന ഹോര്‍മോണുകള്‍. കണ്ഡങ്ങളുടെയും വേരുകളുടെയും വളരുന്ന അഗ്രഭാഗങ്ങളില്‍ ഇവ ധാരാളം ഉണ്ട്. ഓക്സിന്‍റെ അളവു കുറഞ്ഞാല്‍ ഇലകളും പുഷ്പങ്ങളും കൊഴിയും. കൃത്രിമ ഓക്സിനുകള്‍ ഉപയോഗിച്ച് ഇതൊഴിവാക്കാം.                                                                                                         

ഔറം Aurum

ഔറം Aurum : സ്വര്‍ണത്തിന്‍റെ ലത്തീന്‍ പേര്.          

ഓഗര്‍ പ്രഭാവം Auger Effect

ഓഗര്‍ പ്രഭാവം Auger Effect :   അണുവില്‍ x രശ്മി പതിക്കുന്നതിന്‍റെ ഫലമായി x രശ്മിയോ ഗാമാരശ്മിയോ, ഉത്സര്‍ജിക്കാതെ ഇലക്ട്രോണ്‍ ഉത്സര്‍ജിക്കപ്പെടുന്നതാണ് ഇത്. ഇതിന്‍റെ ഫലമായി അണു അയണീകരിക്കപ്പെടുന്നതിനാല്‍ ഓഗര്‍ അയണീകരണം എന്നും പറയുന്നു. പിയറി വിക്ടര്‍ ഓഗര്‍ Pierre Victor Auger   ആണ് ഇത് കണ്ടുപിടിച്ചത്.                                                                                                    

അറ്റോള്‍ Atoll

അറ്റോള്‍ Atoll : സമുദ്രത്തില്‍, നടുക്ക് ജലവും ചുറ്റും പവിഴപ്പുറ്റും ഉളള ഭാഗം. വൃത്തം, ദീര്‍ഘവൃത്തം, ലാടാകൃതി മുതലായി പല ആകൃതികളിലും പവിഴപ്പുറ്റ് ഉണ്ട്.

                                              

അസ്ഫിക്സിയ Asphyxia

അസ്ഫിക്സിയ Asphyxia : ഓക്സിജന്‍റെ കുറവുമൂലം രക്തത്തിലും മറ്റു കലകളിലും കാര്‍ബണ്‍ഡയോക്സൈഡിന്‍റെ അളവ് വര്‍ധിച്ചുണ്ടാകുന്ന ശ്വാസം മുട്ടല്‍. വിഷവാതകം ശ്വസിക്കല്‍, ഇലക്ട്രിക് ഷോക്ക്, വെളളത്തില്‍ മുങ്ങിപ്പോകല്‍ എന്നിവ കാരണമാകാം.                                                                                      

ആള്‍ട്ടീമീറ്റര്‍ Altimeter

ആള്‍ട്ടീമീറ്റര്‍ Altimeter : സമുദ്ര നിരപ്പില്‍ നിന്നുളള ഉയരം അളക്കുവാനുളള ഉപകരണം.  

                           

ക്രോണോഗ്രാഫ് Chronograph

ക്രോണോഗ്രാഫ് Chronograph :  സമയം വളരെ കൃത്യമായി രേഖപ്പെടുത്തുന്നതിനുളള ഉപകരണം.  

                      

ക്രോണോമീറ്റര്‍ Chronometer

ക്രോണോമീറ്റര്‍ Chronometer : സമയം കൃത്യമായി നിര്‍ണയിക്കുന്നതിനുളള ഉപകരണം. കപ്പലുകളിലെ ആവശ്യങ്ങള്‍ക്കായി പ്രത്യേകമായി ഡിസൈന്‍ ചെയ്യപ്പെട്ടതാണ് ഇത്. കൃത്യമായി സമയം അറിയുന്നതിനുളള ഏതുപകരണത്തിനും ഈ പേര് ഉപയോഗിക്കാറുണ്ട്.                                                                           

ആര്‍ക്കിയോപ്റെറ്റിക്സ് Archaeopteryx

ആര്‍ക്കിയോപ്റെറ്റിക്സ് Archaeopteryx : ഉരഗത്തില്‍നിന്ന് രൂപമെടുത്ത ആദ്യത്തെ പക്ഷിയാണിത്. ജൂറാസിക് കലത്തില്‍ ജീവിച്ചിരുന്ന ഇത് വംശമറ്റുപോയി. പരിണാമ  ശ്രേണിയില്‍ ഉരഗങ്ങള്‍ക്കും പക്ഷികള്‍ക്കുമിടയിലെ കണ്ണിയാണ് ഇത്. ഉരഗങ്ങളുടെയും പക്ഷികളുടെയും ചില പ്രത്യേകതകള്‍ ഇതിന്‍റെ ശരീരഘടനയില്‍ കാണാം. നീണ്ടവാല്, പല്ലുളളചുണ്ട്, നഖമുളള കൈവിരലുകള്‍ ഇവ ഉരഗങ്ങളുടേതാണ്. ചിറകുകള്‍, തൂവലുകള്‍, തലയോടിന്‍റെ ആകൃതി ഇവ പക്ഷികളുടേതും.           

                                                                                                                                                                    

അപ്രോട്ടിക് Aprotic

അപ്രോട്ടിക് Aprotic : പ്രോട്ടോണ്‍ ദാനം ചെയ്യുകയോ സ്വീകരിക്കുകയോ ചെയ്യാത്ത ലായകത്തെയാണ് അപ്രോട്ടിക് എന്ന് പറയുന്നത്. ഉദാഹരണം അസെറ്റോണ്‍, ബെന്‍സീന്‍.                                           

ആന്‍റിപൈറെറ്റിക് Antipyretic

ആന്‍റിപൈറെറ്റിക് Antipyretic : പനിക്കെതിരെ ഉപയോഗിക്കുന്ന ഔഷധങ്ങളെയാണ് ആന്‍റിപൈറെറ്റിക് എന്ന് പറയുന്നത്. പാരസിറ്റമോള്‍, ആസ്പിരിന്‍ എന്നിങ്ങനെ നിരവധി പനിമരുന്നുകളുണ്ട്.                                                            

ആന്‍റിഹിസ്റ്റാമിന്‍ Antihistamine

ആന്‍റിഹിസ്റ്റാമിന്‍ Antihistamine : അലെര്‍ജിമൂലവും മറ്റും ശരീരകലകളില്‍ വര്‍ധിച്ച തോതില്‍ ഹിസ്റ്റാമിന്‍ ഉല്പാദിപ്പിക്കപ്പെടുന്നതുകൊണ്ടുളള ദോഷഫലങ്ങള്‍ തടയാനുളള ഔഷധം.                                                        

അനൊഡൈസ് Anodize

അനൊഡൈസ് Anodize : അലൂമിനിയം പോലുളള ഭാരം കുറഞ്ഞ ലോഹങ്ങള്‍ കേടാകാതിരിക്കുന്നതിനായി ഒരു ഓക്സൈഡുപാളികൊണ്ട് സംരക്ഷണകവചം നല്‍കുന്ന വൈദ്യുതവിശ്ളേഷണപ്രക്രിയ. ഭംഗി വര്‍ധിപ്പിക്കുന്നതിനും ഇങ്ങനെ ചെയ്യാറുണ്ട്.                                                                    

ആന്‍ജൈനാ പെക്റേറാറിസ് Angina pectoris

ആന്‍ജൈനാ പെക്റേറാറിസ് Angina pectoris : ഹൃദയപേശിയിലേക്കുളള രക്തപ്രവാഹം തകരാറിലാകുന്പോഴുളള രോഗം. നെഞ്ചില്‍ തുടങ്ങുന്ന ശക്തിയായ വേദന കൈകളിലേക്കോ, താടിയെല്ലിലേക്കോ വ്യാപിക്കുന്നതാണ് രോഗലക്ഷണം.                                                                       

അനിറോയ്ഡ് ബാരോമീറ്റര്‍ Aneroid Barometer

അനിറോയ്ഡ് ബാരോമീറ്റര്‍ Aneroid Barometer : അന്തരീക്ഷമര്‍ദ്ദമളക്കാനുളള ഒരു ഉപകരണം. ഭാഗികമായി വായു നീക്കം ചെയ്ത ഒരു ലോഹപ്പെട്ടി, അന്തരീക്ഷമര്‍ദ്ദം കൂടുകയും കുറയുകയും ചെയ്യുന്നതിനനുസരിച്ച് പെട്ടി വികസിക്കുകയും സങ്കോചിക്കുകയും ചെയ്യും. ഈ ചലനം ചില ഉത്തോലക ക്രമീകരണങ്ങള്‍ വഴി ഒരു സൂചിയുടെ  ചലനമായി മാറുന്നു. സൂചിയുടെ ചലനം നേരിട്ട്  അന്തരീക്ഷമര്‍ദ്ദം സുചിപ്പിക്കുന്നു.

                                                                                                                       

ആനിമോമീറ്റര്‍ Anemometer

ആനിമോമീറ്റര്‍  Anemometer : വായുവിന്‍റെയോ മറ്റു വാതകങ്ങളുടെയോ വേഗം അളക്കുവാനുളള ഉപകരണം. ആനിമോസ് (Anemos) എന്ന ഗ്രീക്ക് പദത്തില്‍ നിന്നാണ് ഈ വാക്ക് ഉണ്ടായത്. ഈ വാക്കിന്‍റെ അര്‍ഥം കാറ്റ് എന്നണ്.  

അമീബിയാസിസ് Amoebiasis

അമീബിയാസിസ് Amoebiasis : അമീബമൂലം ഉണ്ടാക്കുന്ന രോഗം. എന്‍റമീബ ഹിസ്റ്റോളിറ്റിക്ക മൂലമുണ്ടാക്കുന്ന വയറുകടിയെ  പരാമര്‍ശിക്കാന്‍ സാധാരണ ഉപയോഗിക്കുന്നു.                                                    

അമീബോസൈറ്റ് Amoebocyte

അമീബോസൈറ്റ്  Amoebocyte : ബഹുകോശ ജന്തുക്കളുടെ ശരീരടിഷ്യുവിലെ സ്വതന്ത്ര സഞ്ചാരികോശങ്ങള്‍. രക്തത്തില്‍ കാണപ്പെടുന്നു. ആകൃതിയിലും പ്രകൃതിയിലും അമീബയോട് സാമ്യം ഉളളതുകൊണ്ടാണ് ഈ പേര്.                                                              

ആംനിയോട്ട Amniota

ആംനിയോട്ട Amniota : ഉരഗങ്ങള്‍, പക്ഷികള്‍, സസ്തനങ്ങള്‍ എന്നിവ ഉള്‍പ്പെടുന്ന ജന്തുവിഭാഗത്തിന്റെ പൊതുനാമം. അധികവും കരയ്ക്കാണ് ജീവിക്കുന്നത്. വളരുന്ന ഭ്രൂണത്തോടനുബന്ധിച്ച് ചില സ്‌തരങ്ങളുണ്ടെന്നത് ഇവയുടെ പ്രത്യേകതയാണ്. ഇതില്‍ പ്രധാന സ്‌തരം ആംനിയോണ്‍ ആണ്. ഈ സ്‌തരവും അതിനുളളിലുളള ദ്രവവും കൂടി  ഭ്രൂണത്തെ പൊതിഞ്ഞുസൂക്ഷിക്കുന്നതുകൊണ്ടാണ് ഈ പേര് കൊടുത്തിടുളളത്.                                                                                                                               

ആംനിയോട്ടികദ്രവം Amniotic fluid

ആംനിയോട്ടികദ്രവം  Amniotic fluid : ഗര്‍ഭാശയത്തില്‍ വളരുന്ന ഭ്രൂണത്തെ വലയം ചെയ്തിരിക്കുന്ന ദ്രാവകമാധ്യമം. ഈ ദ്രവം  ഭ്രൂണത്തെ എപ്പോഴും നനവുളളതാക്കി സൂക്ഷിക്കുകയും ആഘാതം, ഒട്ടിപ്പിടിക്കല്‍   എന്നിവയില്‍ നിന്ന് സംരക്ഷിക്കുകയും ചെയ്യുന്നു. പ്രസവസമയത്ത് ആംനിയോണ്‍ പൊട്ടുന്പോള്‍ ഈ  ദ്രവം പുറത്തേക്കു പോകുന്നു.                                                                                                             

ആംനിയോണ്‍ Amnion

ആംനിയോണ്‍  Amnion : ഗര്‍ഭാശയത്തില്‍ ഭ്രൂണത്തെ ആവരണം ചെയ്തു സംരക്ഷിക്കുന്ന സ്തരം. ആമ്നിയോട്ടിക ദ്രവം ഇതിനുളളിലാണ്.                               

അമെനോറിയ Amenorrhoea

അമെനോറിയ Amenorrhoea : ആര്‍ത്തവം ഇല്ലാതിരിക്കുന്ന അവസ്ഥ.  ഋതുമതികളാകുന്നതിനു മുന്പും ആര്‍ത്തവം നിലച്ചതിനുശേഷവും ഉളള സ്ത്രീകളുടെ അവസ്ഥയും ഇതുതന്നെയാണ്. എങ്കിലും ഗര്‍ഭധാരണശേഷിയുളള സ്ത്രീകളുടെ ആര്‍ത്തവം നിലയ്ക്കുന്ന  അവസ്ഥയ്ക്കാണ് ഈ പദം സാധാരണ ഉപയോഗിക്കുന്നത്.                                                                                    

അമാല്‍ഗം Amalgam

അമാല്‍ഗം Amalgam: മെര്‍ക്കുറിയില്‍ ഏതെങ്കിലും ലോഹം ലയിച്ചത്. ഉദാഹരണം, മെര്‍ക്കുറിയില്‍ സോഡിയം ലയിച്ചുണ്ടാക്കുന്ന സോഡിയം അമാല്‍ഗം                             

അലിസാറിന്‍ Alizarin

അലിസാറിന്‍ Alizarin : പ്രക്രതിയില്‍ നിന്നു ലഭിക്കുന്ന ഒരു ചായം. കൃത്രിമമായി അലിസാറിന്‍ നിര്‍മിക്കപ്പെട്ടത് 1869 ല്‍ ആണ്. പ്രചീനകാലം മുതല്‍ക്കേ അറിയപ്പെട്ടിരുന്നു. ഇന്ന് നിരവധി നിറങ്ങളിലുളള അലിസാറിന്‍ ചായങ്ങള്‍ ലഭ്യമാണ്. രസനാമം C₁₄H₈O₄                                                                   

ആല്‍ബുമിന്‍ Albumin

ആല്‍ബുമിന്‍  Albumin : ജലലേയങ്ങളായ പ്രോട്ടിനുകളാണ് ആല്‍ബുമിനുകള്‍. പാല്‍, മുട്ട എന്നിവയില്‍ ആല്‍ബുമിന്‍ അടങ്ങിയിരിക്കുന്നു. ജന്തുക്കളില്‍ ഇത്‌ രക്തത്തില്‍ ലയിച്ചുചേര്‍ന്നിരിക്കും. രക്തത്തിന്‍റെ ഓസ്മോട്ടിക് മര്‍ദ്ദം നിലനിര്‍ത്തുന്ന പ്രധാനഘടകമാണ് ഇത്. ചൂടാക്കിയാല്‍ ഇവ ഖരാവസ്ഥ പ്രാപിക്കും.                                                                                           

ആല്‍ബിനോ Albino

ആല്‍ബിനോ Albino : ത്വക്ക്, രോമങ്ങള്‍, കണ്ണിലെ കൃഷ്ണമണി മുതലായ ഭാഗങ്ങളില്‍ നിറമില്ലാത്ത വിവര്‍ണജിവി.                                     

വര്‍ണരാഹിത്യം (ആല്‍ബിനിസം) Albinism

വര്‍ണരാഹിത്യം (ആല്‍ബിനിസം) Albinism : ശരീരത്തിന്‍റെ സ്വാഭാവിക നിറത്തിനാധാരമായ മെലാനിന്‍ എന്ന വര്‍ണവസ്തു ജന്‍മനാ ഇല്ലാതിരിക്കുന്ന അവസ്ഥയെണ് വര്‍ണരാഹിത്യം എന്ന് പറയുന്നത്. ഒരു പ്രമുഖ ജീനിന്‍റെ സാന്നിധ്യമാണ് ഈ ജന്‍മവൈകല്യത്തിന് കാരണം. ഏലി, പൂച്ച, മുയല്‍, ഗിനിപ്പന്നി തുടങ്ങിയ ജന്തുക്കളിലും ഈ അവസ്ഥ കാണാം.                                                        

ആല്‍ബട്രോസ് Albatross

ആല്‍ബട്രോസ് Albatross : ഏറ്റവും കൂടുതല്‍ ചിറക് വിസ്താരമുളള കടല്‍പ്പക്ഷി. കൂടുതല്‍ ദുരം  പറക്കാനും ചിറകടിക്കാതെ പറക്കാനും ഇതിന് കഴിവുണ്ട്. തൂവലുകള്‍ വെളളയും കറുപ്പും കലര്‍ന്നതോ കറുപ്പും തവിട്ടും കലര്‍ന്നതോ ആയിരിക്കും. മുഖ്യമായും ദക്ഷിണാര്‍ധ ഗോളത്തിലാണ് ഇത് കാണപ്പെടുന്നത്.                                                                                               

അഹ് മെസ് പാപ്പിറസ് Ahme'z Papyrus

അഹ് മെസ് പാപ്പിറസ് Ahme'z Papyrus : അറിയപ്പെടുന്നതില്‍വെച്ച് ഏറ്റവും പഴക്കം ചെന്ന ഗണിതഗ്രന്ഥം. ക്രിസ്തുവിന് മുന്പ് 1500 ന് അടുത്ത് രചിക്കപ്പെട്ടു. മരത്തിന്റെ തോലില്‍ രചിച്ചതായതുകൊണ്ടാകാം ഈ പേരുണ്ടായത്. റിന്‍ഡ് പാപ്പിറസ് എന്നും അറിയപ്പെടുന്നു.                                                                                  

അഗോണിക് രേഖ Agonic Line

അഗോണിക് രേഖ Agonic Line: കാന്തികസൂചി ഭുമിശാസ്ത്രപരമായ വടക്കുദിക്കിനെ സുചിപ്പിക്കുന്ന പ്രദേശങ്ങളെ യോജിപ്പിച്ച് ഭൂപടത്തില്‍ വരയ്ക്കുന്ന രേഖ.  കാന്തിക ദിക്പാതം (Magnetic declination) പൂജ്യമായ പ്രദേശങ്ങളെ യോജിപ്പിക്കുന്ന  രേഖ                                                       

അഗ്ളുട്ടിനിന്‍ Agglutinin

അഗ്ളുട്ടിനിന്‍ Agglutinin : ബാക്ടീരിയം പോലുളള അന്യവസ്തുക്കളോ അന്യപ്രോട്ടീനുകളോ ജീവശരീരത്തിനുളളില്‍ കടക്കാനിടയായാല്‍ അവയെ നശിപ്പിക്കാന്‍വേണ്ടി ശരീരം ചില പ്രതിവസ്തുക്കള്‍ ഉല്‍പ്പാദിപ്പിക്കാറുണ്ട്. രക്തത്തിലുളള ഇത്തരം പ്രതിവസ്തുക്കളെയാണ് അഗ്ളുട്ടിനിന്‍ എന്ന് പറയുന്നത് .                                                                                                       

അഗ്ളുട്ടിനോജെന്‍ Agglutinogen

അഗ്ളുട്ടിനോജെന്‍ Agglutinogen: ചില ചുവന്ന രക്താണുക്കളില്‍ കാണപ്പെടുന്ന ഒരു പ്രത്യേക ആന്‍റിജന്‍. രക്തകോശങ്ങളുടെ ഒട്ടിച്ചേരലില്‍ ഇതിന് പ്രധാന പങ്കുണ്ട്.                   
          
                            

ഏറന്‍കൈമ Aerenchyma

ഏറന്‍കൈമ Aerenchyma : കോശങ്ങള്‍ക്കിടക്ക് വിസ്തൃതമായ വായുസ്ഥലങ്ങളോടുകൂടിയ കല. ജലസസ്യങ്ങളില്‍ ഇത് സാധാരണമാണ്. വേരുകളിലൂടെ ഓക്സിജന്‍ സ്വീകരണം എളുപ്പമാക്കാനും, വെളളത്തില്‍ പൊങ്ങിക്കിടക്കാനും ഇത്തരം വായുസ്ഥലങ്ങള്‍ സഹായിക്കുന്നു.                                                                  

അഡിപ്പിക് ആസിഡ്‌ Adipic Acid, HOOC-(CH2)4-COOH

അഡിപ്പിക് ആസിഡ്‌ Adipic Acid :  ക്രിസ്‌റ്റലീയ രൂപമുളള വെളുത്ത ഖരവസ്തു. പോളിഎസ്റ്ററുകളുടെ നിര്‍മാണത്തിന് ഉപയോഗിക്കുന്നു. നൈലോണ്‍നിര്‍മാണത്തിലെ മുഖ്യഘടകം. ഉരുകല്‍നില 152⁰C. രസനാമം HOOC-(CH₂)₄-COOH

കരാമല്‍

കരാമല്‍: ഒരു പ്രക്രിതിദത്തനിറം.  ഈ നിറം പ്രധാനമായും കരിന്പ്‌, ബീറ്റ്റുട്ട് എന്നിവയില്‍ നിന്നാണ് വേര്‍തിരിച്ചെടുക്കുന്നത്. ബ്രൗണ്‍ ബ്രെഡ്‌, ചോക്ലേറ്റ്, ഐസ്ക്രീം, ജാം, മധുരപലഹാരങ്ങള്‍, പാനീയങ്ങള്‍, കേക്കുകള്‍  എന്നിവയില്‍ ഇത് ഉപയോഗിച്ചുവരുന്നു. കടുത്ത തവിട്ടും വ്യത്യസ്തമായ കറുപ്പും നിറമുളള കേക്കുകള്‍ ഉണ്ടാക്കാനും ഇത് ഉപയോഗിച്ചുവരുന്നു.   

കടപ്പാട് : മാതൃഭൂമി                                                                                                              

സിന്ദുരമരം

സിന്ദുരമരം: ലിപ്സ്റ്റിക്ക് മരം സിന്ദുരമരം എന്നും അറിയപ്പെടുന്നു.  ഇന്ത്യ ഉള്‍പ്പെടെയുളള ഉഷ്ണമേഖലാ പ്രദേശങ്ങളില്‍ വളരുന്ന മരമാണ് ലിപ്സ്റ്റിക്ക് മരം. ചുണ്ടുകള്‍ക്ക് ഭംഗി കൂട്ടാന്‍ ഉപയോഗിക്കുന്ന ലിപ്സ്റ്റിക്ക് നിര്‍മാണത്തിനെടുക്കുന്നതിനാലാണ് ഈ മരത്തിന് ലിപ്സ്റ്റിക്ക് ട്രീ എന്ന് പേര് കിട്ടിയത്. ചുണ്ടുകള്‍ക്ക് പുറമെ പാല്‍ക്കട്ടി, ബേക്കറി പദാര്‍ഥങ്ങള്‍, മത്സ്യവിഭവങ്ങള്‍ എന്നിവയ്ക്ക് നിറം നല്‍കാനും  ഉപയോഗിക്കുന്നു. ഇതിന്റെ വിത്തുകളില്‍ നിന്ന് ചുവപ്പ്, മഞ്ഞ, ഓറഞ്ച് എന്നീ പ്രക്രിതിദത്തനിറങ്ങള്‍ ലഭിക്കുന്നു.       

ലിപ്സ്റ്റിക്ക് മരം Lipstick Tree

ലിപ്സ്റ്റിക്ക് മരം Lipstick Tree : ഇന്ത്യ ഉള്‍പ്പെടെയുളള ഉഷ്ണമേഖലാ പ്രദേശങ്ങളില്‍ വളരുന്ന മരമാണ് ലിപ്സ്റ്റിക്ക് മരം. ചുണ്ടുകള്‍ക്ക് ഭംഗി കൂട്ടാന്‍ ഉപയോഗിക്കുന്ന ലിപ്സ്റ്റിക്ക് നിര്‍മാണത്തിനെടുക്കുന്നതിനാലാണ് ഈ മരത്തിന് ലിപ്സ്റ്റിക്ക് ട്രീ എന്ന് പേര് കിട്ടിയത്. സിന്ദുരമരം എന്നും ഇതിന് പേരുണ്ട്. ചുണ്ടുകള്‍ക്ക് പുറമെ പാല്‍ക്കട്ടി, ബേക്കറി പദാര്‍ഥങ്ങള്‍, മത്സ്യവിഭവങ്ങള്‍ എന്നിവയ്ക്ക് നിറം നല്‍കാനും  ഉപയോഗിക്കുന്നു. ഇതിന്റെ വിത്തുകളില്‍ നിന്ന് ചുവപ്പ്, മഞ്ഞ, ഓറഞ്ച് എന്നീ പ്രക്രിതിദത്തനിറങ്ങള്‍ ലഭിക്കുന്നു.                                                                                                
                                                            

അഡിനോസീന്‍ ട്രൈഫോസ്ഫേറ്റ് Adenosine Triphosphate, A T P

അഡിനോസീന്‍ ട്രൈഫോസ്ഫേറ്റ് Triphosphate, A T P : സസ്യങ്ങളുടെയും ജന്തുക്കളുടെയും ശരീരത്തിലെ ഊര്‍ജ വാഹക തന്‍മാത്ര. ശരീരത്തിലെ ജൈവപ്രക്രിയകള്‍ക്കാവശ്യമായ ഊര്‍ജം ഉന്നത ഊര്‍ജഫോസ്ഫേറ്റ് ബോണ്ടുകളായാണ് ഇതില്‍ ശേഖരിച്ചു വച്ചിരിക്കുന്നത്.                                                                                   

ഏറോടാക്‌സിസ് Aerotaxis

ഏറോടാക്‌സിസ് Aerotaxis : സസ്യചലനങ്ങളില്‍ ഓക്സിജന്റെ ഉത്തേജനംമൂലം  ഏകകോശ സസ്യങ്ങള്‍ മുഴുവനായോ  സസ്യകോശങ്ങള്‍ ഭാഗികമായോ ചലിക്കുന്ന രീതി.                              

അക്രാല്‍ഡിഹൈഡ്‌ Acraldehyde, CH2 CH CHO

അക്രാല്‍ഡിഹൈഡ്‌ Acraldehyde :  നിറമില്ലാത്ത കത്തുന്ന ദ്രാവകം. രൂക്ഷമായ ഗന്ധം. ഗ്ളിസറോളിന്റെ നിര്‍ജലീകരണം വഴിയാണ് ഇത് നിര്‍മിക്കുന്നത്. എണ്ണകള്‍ ചൂടാക്കുന്പോള്‍ ഉണ്ട്ക്കുന്ന  പ്രത്യേകതരം മണം അക്രാല്‍ഡിഹൈഡിന്റെയാണ്. അപൂരിത അലിഫാറ്റിക് ആല്‍ഡിഹൈഡ്‌ ആണിത്. അക്രൊലീന്‍, അക്രൈല്‍ അല്‍ഡിഹൈഡ്‌ എന്നീ പേരുകളിലും ഇത് അറിയപ്പെടുന്നു. രസനാമം CH₂ CH CHO                                                                                           

ആക്റ്റിനൈഡുകള്‍ Actinides

ആക്റ്റിനൈഡുകള്‍ Actinides : ആവര്‍ത്തനപ്പട്ടികയില്‍ ആക്റ്റിനിയത്തിനുശേഷം വരുന്ന പതിനാല് മൂലകങ്ങളെയാണ് ആക്റ്റിനൈഡുകള്‍ എന്ന് പറയുന്നത്. റേഡിയോ ആക്ടീവത കാണിക്കുന്ന മൂലകങ്ങളാണിവ. ആക്റ്റിനിയത്തെയും ഇതില്‍ ഉള്‍പ്പെടുത്താറുണ്ട്. ആവര്‍ത്തനപ്പട്ടികയ്ക്കു താഴെ പ്രത്യേക ശ്രേണിയായി കൊടുത്തിരിക്കുന്നു.                                                                                 

ആക്റ്റിനോസോവ Actinozoa

 ആക്റ്റിനോസോവ Actinozoa  : കടല്‍പൂക്കള്‍, പവിഴപ്പുറ്റ് എന്നിവ ഉള്‍പ്പെടുന്ന കടല്‍ജീവികളുടെ കൂട്ടം. ഇവയില്‍ മിക്ക ജീവികള്‍ക്കും കാല്‍സിയം കെണ്ട് നിര്‍മിതമായ ഒരു ബാഹ്യാസ്ഥികൂടം ഉണ്ട്. ഇവയുടെ ശരീരരത്തിന് മെഡൂസാ ഘട്ടമില്ല.